ខេត្តមណ្ឌលគិរី ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានអំពាវនាវដល់ប្រជាពលរដ្ឋ កុំជឿតាមញុះញង់ របស់មេខ្យល់ដើរ បោកយកលុយពីប្រជាពលរដ្ឋ រឿងចុះឈ្មោះបានដីសម្បទាន សង្គមកិច្ចនៅតាមព្រំដែន ។ ជាមួយគ្នានោះសម្តេចបវរធិបតី ក៏ចេញបទបញ្ជា ឱ្យអាជ្ញាធរស្រាវជ្រាវ រកមុខមេខ្យល់មកចាត់វិធានការ ផ្លូវច្បាប់ ។ បើតាមសម្ដេចករណីមេខ្យល់ដើរបំផុសពលរដ្ឋឱ្យចុះឈ្មោះ និងបង់ប្រាក់ ដើម្បីទទួលបានដីសម្បទានសង្គមកិច្ចនេះ កើតឡើងក្នុងភូមិសាស្ត្រស្រុកពេជ្រាដា ខេត្តមណ្ឌលគិរី។នាឱកាសអញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការ ទំនប់អូរតេធិបតី ទំនប់សែនសុខដុម និងទំនប់សែនមនោរម្យ នៅថ្ងៃទី២៤ ខែតុលា ឆ្នាំ២០២៤ សម្តេចបវរធិបតី ហ៊ុន ម៉ាណែត បានរំលឹកថា រាជរដ្ឋាភិបាល បង្កើតកម្មវិធីផ្តល់ដីសម្បទានសង្គមកិច្ច ដោយចាប់ផ្ដើមពីឆ្នាំ២០២៥ ប៉ុន្ដែមានមេខ្យល់បំផុសប្រជាពលរដ្ឋ បោកយកលុយរឿងដីសម្បទាននេះ។សម្តេចបវរធិបតី មានប្រសាសន៍ថា «សូមបងប្អូន កុំជឿលើមេខ្យល់ ដែលកំពុងបំផុស ដើរយកលុយ ថាចុះឈ្មោះ ដើម្បីយកដីនេះ(ដីសម្បទានសង្គមកិច្ច)។ អត់បានទេ ហើយសូមឱ្យអាជ្ញាធរ សមត្ថកិច្ច មើលមេខ្យល់ហ្នឹង ដើម្បីអនុវត្តច្បាប់។ ព្រោះមិនអ៊ីចឹងដើរបោកប្រជាពលរដ្ឋ»។សូមរំលឹកថា រាជរដ្ឋាភិបាល មានយន្តការច្បាស់លាស់ ក្នុងការផ្ដល់ដីជូនប្រជាពលរដ្ឋ ដែលគ្មានដីពិតប្រាកដ។ រាជរដ្ឋាភិបាល នឹងបង្កើតគណៈកម្មាធិការជាតិ ដែលនឹងអនុវត្តចាប់ពីខែមករា ឆ្នាំ២០២៥ តទៅ ខណៈបច្ចុប្បន្នកំពុងចុះសិក្សាទីតាំង និងនីតិវិធី ដើម្បីផ្ដល់ដីឱ្យប្រជាពលរដ្ឋដែលខ្វះដីពិតប្រាកដ ហើយជួយក្នុងការកសាង ភូមិឃុំនៅលើដីថ្មីនោះ៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ