(បាត់ដំបង) គ្រាន់តែឮគណៈកម្មការរៀបចំប្រណាំងទូក ប្រកាសទូកឈ្មោះនរិន្ទរង្សីពិជ័យចិត្របុត្ររបស់វត្តឯករង្សី ស្រុកឯកភ្នំ ស្រាប់តែឮសូរសំឡេងហ៊ោកញ្ជ្រៀវអឺងកង បានផ្ទុះឡើង ដើម្បីធ្វើការគាំទ្រពីប្រជាពលរដ្ឋ ដែលបានមកទស្សនាពិធីប្រណាំងទូក នៅខេត្តបាត់ដំបង នារសៀលថ្ងៃទី១៦ ខែតុលា ឆ្នាំ២០២៤ ក្នុងការលើកទឹកចិត្តដល់ក្រុមកីឡាករទូក កាន់តែមានសន្ទុះល្បឿន ធ្វើឱ្យទូកបោះពួយយ៉ាងលឿនទៅកាន់ទីបញ្ចប់នៃការប្រណាំង និងទទួលបានជោគជ័យ ក្នុងការប្រកួតថ្ងៃទី១នេះ ។តាមរយៈនៃការប្រកួតរយៈពេលមួយល្ងាចនាថ្ងៃទី១៦ ខែតុលា ឆ្នាំ២០២៤នេះ ទូកនរិន្ទរង្សីពិជ័យចិត្របុត្រ បានធ្វើការប្រកួតជើងទី១ និងជើងទី២ ដោយមានការផ្លាស់ប្តូរខ្សែទឹកជាបបន្ទាប់ ជាមួយទូកឈ្មោះ បាត់ដំបងខនស៍ស៊ីមេនមានជ័យបារមីភ្នំដូនមាយ ទូកឧកញ៉ា ភួ ពុយ សុវណ្ណរាជសីបារមីមហានគរ ទូកសុវណ្ណភេត្រាបាត់ដំបងសជ័យ និងទូកឈើទាលសជ័យបារមីភ្នំបាណន់ ត្រូវបានទូកនរិន្ទរង្សីពិជ័យចិត្របុត្របានយកជំនះលើគូប្រកួតទាំងអស់ និងកាន់តែធ្វើឱ្យសំឡេងហ៊ោកញ្ជ្រៀវឡើងថែមទៀតពីអ្នកចូលរួមទស្សនាការប្រណាំងទូកនេះ មានភាពសប្បាយរីករាយមែនទែន ។ទូកនរិន្ទរង្សីពិជ័យចិត្របុត្រ គឺជាទូក ដែលធ្លាប់ទទួលជ័យជំនះមិនដែលចាញ់ ទាំងនៅថ្នាក់ខេត្ត និងថ្នាក់ជាតិ ដែលធ្វើឱ្យកេរ្តិ៍ឈ្មោះរបស់នរិន្ទរង្សីពិជ័យចិត្របុត្រ មានភាពល្បីល្បាញខ្លាំង ហើយត្រូវបានអ្នកគាំទ្របានដាក់រហ័សនាមទូកនរិន្ទរង្សីពិជ័យចិត្របុត្រ គឺជាម្ចាស់ស្ទឹងសង្កែ ។តែយ៉ាងណាសម្រាប់នៅថ្ងៃបញ្ចប់នៃការប្រណាំងទូកសម្រាប់ថ្ងៃទី២ ទូកនរិន្ទរង្សីពិជ័យចិត្របុត្រ នឹងអាចយកជ័យជំនះលើគូរប្រកួតផ្សេងទៀត ឬយ៉ាងណានោះ មានតែរង់ចាំតាមដានជាបន្តទៀត ដូច្នេះសូមប្រជាពលរដ្ឋ ភ្ញៀវទេសចរជាតិ អន្តរជាតិ មកទស្សនាឱ្យបានច្រើនកុះករថែមទៀត ដើម្បីជាការផ្តល់នូវកម្លាំងចិត្តសម្រាប់កីឡាករ កីឡាការិនីទាំងអស់ផងដែរ ។សូមបញ្ជាក់ថា ឆ្នាំ២០២៤នេះ រដ្ឋបាលខេត្តបាត់ដំបង បានរៀបចំប្រណាំទៀងទូក បណ្តែតប្រទីប មានរយៈពេល២ថ្ងៃ គឺថ្ងៃទី១៦-១៧ ខែតុលា ឆ្នាំ២០២៤ដែលមានទូកចូលរួមប្រកួតចំនួន៤២គ្រឿង និងមានក្រុមកីឡាករ កីឡាការិនីសទាំងពេញសិទ្ធិ និងបម្រុង សរុបទាំងអស់ចំនួនជិត២០០០នាក់ ។ការរៀបចំពិធីប្រណាំងទូកនៅខេត្តបាត់ដំបង នាពេលនេះមានគោលបំណង ដើម្បីបង្កឱកាសសប្បាយរីករាយជូនប្រជាពលរដ្ឋទាំងនៅក្នុងខេត្ត និងតំបន់មួយចំនួននៅជាប់ព្រំប្រទល់ខេត្តបាត់ដំបង មានខេត្តពោធិសាត់ បន្ទាយមានជ័យ និងខេត្តប៉ៃលិន ក៏ដូចជាភ្ញៀវទេសចរជាតិ អន្តរជាតិ ដែលកំពុងស្នាក់នៅក្នុងខេត្តបាត់ដំបង បានចូលរួមទស្សនាកម្សាន្តសប្បាយរីករាយ ហើយការរៀបចំពិធីប្រណាំងទូកនៅខេត្តបាត់ដំបង នាពេលនេះគឺស្ថិតក្នុងពេលដែលប្រទេសជាតិមានសន្តិសុខ សន្តិភាពពេញលេញ ទើបធ្វើឱ្យខេត្តបាត់ដំបង មានឱកាសក្នុងការប្រារព្ធពិធីប្រណាំងទូក បណ្តែតប្រទីប រួមជាមួយកម្មវិធីសំខាន់ជាច្រើនទៀតប្រកបដោយមោទនភាពខ្ពស់បំផុត ៕
ព័ត៌មានគួរចាប់អារម្មណ៍
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
វីដែអូ