(បាត់ដំបង)៖ លោក សុខ លូអភិបាលខេត្តបាត់ដំបង បានអំពាវនាវដល់ប្រជាពលរដ្ឋ ព្រមទាំងភ្ញៀវទេសចរជាតិនិងអន្តរជាតិមកលេងកម្សាន្តទស្សនាកម្សាន្តឱ្យបានច្រើនកុះករ ក្នុងពិធីបុណ្យអុំទូក និងចាប់ផ្តើមនៅរសៀលថ្ងៃទី១៦ ខែតុលា ឆ្នាំ២០២៤នេះ។លោក សុខ លូ អភិបាលខេត្តបាត់ដំបង អំពាវនាវដល់ប្រជាពលរដ្ឋ ព្រមទាំងភ្ញៀវទេសចរជាតិនិងអន្តរជាតិដែលមកលេងកម្សាន្តសប្បាយ ក្នុងពិធីបុណ្យអុំទូកត្រូវចូលរួមថែរក្សាអនាម័យបរិស្ថានទាំងអស់គ្នា។តាមរយៈកិច្ចសម្ភាសជាមួយអ្នកសារព័ត៌មាន នាល្ងាចថ្ងៃទី១៥ ខែតុលា ឆ្នាំ២០២៤ លោក សុខ លូ បានបង្ហាញការកត់សម្គាល់ថា មិនទាន់ដល់ថ្ងៃអុំទូកផងមានប្រជាពលរដ្ឋយ៉ាងច្រើនកុះករមកដើរកម្សាន្តយ៉ាងសប្បាយរីករាយ ដែលនេះហើយជាផ្លែផ្កានៃសុខសន្តិភាពបន្សល់ទុកដោយសម្តេចតេជោ ហ៊ុន សែន ហើយបច្ចុប្បន្នសម្តេចធិបតី ហ៊ុន ម៉ាណែត នាយករដ្ឋមន្រ្តី បានបន្តខិតខំថែរក្សានូវសុខសន្តិភាពនេះបានយ៉ាងល្អប្រសើរ។លោក សុខ លូ ថ្លែងបន្តថា ការរៀបចំពិធីបុណ្យអុំទូកនេះពិតជាបានផ្ដល់អត្ថប្រយោជន៍យ៉ាងច្រើន រដ្ឋបាលខេត្តក្នុងការទាក់ទាញភ្ញៀវទេសចរ និងបង្កើនចំណូលសេដ្ឋកិច្ចដល់ប្រជាពលរដ្ឋជាអ្នកខេត្តបាត់ដំបង។លោកអភិបាលខេត្តបញ្ជាក់ថា ការរៀបចំពិធីបុណ្យអុំទូកឆ្នាំនេះមានលក្ខណៈប្លែក និងទាក់ទាញជាងឆ្នាំមុនៗ តាំងពីការតុបតែងលម្អភ្លើងពណ៌តាមទីសាធារណៈ ជាពិសេសការរៀបចំតាំងបង្ហាញប្រទីបខ្នាតធំចំនួន៧ នៅតាមបណ្ដោយដងស្ទឹងសង្កែ។លោក សុខ លូ បានបន្តថា កងកម្លាំង និងក្រុមគ្រូពេទ្យបានត្រៀមលក្ខណៈគ្រប់ពេលវេលា ដើម្បីថែរក្សាសន្តិសុខ សណ្ដាប់ធ្នាប់ និងជួយសង្រ្គោះពលរដ្ឋដែលមានបញ្ហាសុខភាពអំឡុងពិធីបុណ្យអុំទូក រយៈពេល២ថ្ងៃនេះ។អភិបាលខេត្តបានបន្ថែមថា ការរៀបចំពិធីបុណ្យអុំទូកថ្នាក់ខេត្តនេះ ក៏ដើម្បីជ្រើសរើសយកទូកដែលមានជាប់ចំណាត់ថ្នាក់ ដើម្បីបន្តទៅចូលរួមប្រណាំងថ្នាក់ជាតិនៅរាជធានីភ្នំពេញនាខែវិច្ឆិកាខាងមុខនេះផងដែរ។សូមបញ្ជាក់ថា រដ្ឋបាលខេត្តបាត់ដំបង នឹងរៀបចំពិធីបុណ្យអុំទូក និងបណ្ដែតប្រទីបនៅតាមបណ្តោយដងស្ទឹងសង្កែក្នុងក្រុងបាត់ដំបង រយៈពេល២ថ្ងៃ ចាប់ពីថ្ងៃទី១៦-១៧ ខែតុលា ឆ្នាំ២០២៤ ដើម្បីអបអរសាទរពិធីបុណ្យចេញព្រះវស្សានិងការចូលរួមចំណែកថែរក្សាទំនៀមទំលាប់ប្រពៃណីជាតិដ៏រុងរឿង ជាពិសេសទំនៀមទម្លាប់របស់ខេត្តបាត់ដំបង ក៏ដូចជាការបើកឱកាសជូនបងប្អូនប្រជាពលរដ្ឋបានចូលរួមកម្សាន្តសប្បាយរីករាយ។ក្នុងពិធីបុណ្យអុំទូកឆ្នាំនេះមានការប្រណាំងទូកងខ្នាតប្រពៃណីជាតិ ទូកខ្នាតអន្តរជាតិ ទូកមួង ទូកផ្កាចារ ដោយមានទូកចូលរួមប្រណាំងសរុបចំនួន៤២ទូក។ នៅពេលរាត្រីក៏មានការរៀបចំបណ្ដែតប្រទីបបង្ហោះគោមនិងបាញ់កាំជ្រួចជាដើម។ជាមួយគ្នានេះក្នុងពេលរាត្រីថ្ងៃទី១៧ ខែតុលា ឆ្នាំ២០២៤ ក៏មានការដង្ហែប្រទីបយកទៅបណ្ដែតក្នុងស្ទឹងសង្កែ ដើម្បីសម្តែងនូវកតញ្ញូតាធម៌ ដ៏ជ្រាលជ្រៅចំពោះព្រះគង្គា ដែលបានផ្តល់ដីដ៏មានជីវជាតិល្អផូរផង់បម្រើដល់វិស័យកសិកម្ម និងជីវិតរស់នៅរបស់ប្រជាពលរដ្ឋ។រដ្ឋបាលខេត្តបាត់ដំបង សង្ឃឹមជឿជាក់ថា ភ្ញៀវទេសចរជាតិ អន្តរជាតិ និងប្រជាពលរដ្ឋ ពិតជានឹងចូលរួមកម្សាន្តសប្បាយរីករាយ ដើម្បីអបអរសាទរពិធីបុណ្យចេញវស្សាឱ្យបានច្រើនកុះករ៕
ព័ត៌មានគួរចាប់អារម្មណ៍
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()
វីដែអូ